हजुर यसैपाली
बसन्तको हरियाली फूलै फूलको डाली
रातै भरी जुनेलीमा जूनसंगै नुहाएकी
चन्द्रमुखी मुहारैमा टिका रातो सुहाएकी
बसिदियौ मेरो मनमा उमंगको दियो बाली
मनै भरी खुशियाली पाएं हजुर यसैपाली ।
थुँगाथुँगा टिपी फूलको सुन्दर माला गाँसे जस्तै
फूलकै जोवन पैंचो लिई फूल संगै हाँसे जस्तै
तिमी फूल भयौ म त भई दिन्छु फूलको माली
मनै भरी खुशियाली पाएं हजुर यसैपाली ।
No comments:
Post a Comment