मनको कुनाकुना तिमी

कुनाकुना मनको तिमी नै तिमी चुनिएका छौ
तुनातुना तनको तिमी नै तिमी उनिएका छौ
रेसारेसा रहरहरू तिमीले पलाइदियौ
केस्राकेस्रा चाहहरू तिमीले सलबलाइदियौ
आफ्नै देउरालीमा सुस्ताउँदै थिएँ कतै
विसौनीको छहारी बनि तिमी आइदियौ
हैरानी त धेरै, धेरै छन् यहाँ
बटुलेर साहासहरू बल थपिदियौ
छरपस्ट फिजिएंका मेरा आशहरूमा
विश्वासको त्राण तिमी बनिदियौ
मेरो संसार समेटिएको छ केवल तिमीभित्र
धानी देउ बाँकी जिवन समाहित गरिचित्र
हुरूक्क हुन्छ यो मन तिम्रो स्पर्श पाउन
कहिले आउँछौं मलाई लिन विन्ति भनिदेउन
आएपछि वाहुपासमा साँचिदेउ सँधैलाई
नजाउ है छाडि कतै सक्दिन वस्न एकै पललाई
छामी देउ ढुकढुकी धढ्किएको छ तिम्रै नाममा
थामी देउ बढेको श्वास फेरिदैंछ तिम्रै ज्यानमा
तिमीलाई आफ्नो मात्र बनाउने मेरो इच्छा
गल्ती भए नि मेरो सोचाई तिम्रै मान्छे ठान्नु है
विराएँ भने कुनै वेला यात्रा गर्दा वाटाहरू
गन्तव्य तिमीले नै डोर्र्याइदिनु भन्छु है
साथ छुट्ने छैन मेरो वाचा भयो तिमीलाई
तिम्रो पनि साथ माग्छु जुनीजुनीभरिलाई
नपर्खाउ अव धेरै लैजाउ तिमी जता जान्छौ
नदुखाउ टुटेको मन फकाउ यो तिम्रै हो नि

तिमीसँग माया

तिमीसँग माया सधैं लाईरहन पाऊँ
सातैजूनि तिम्रै दिलमा छाईरहन पाऊँ

ईर्ष्यागरुन दुनियाँले हाम्रो जोडी देखि
खुसीको यो संघार टेकि धाईरहन पाऊँ

मिठो मिठो बनोससाथ पूरानो नहोस
बगैचाको सुन्दर फूलझैँ चाईरहन पाऊँ

मिर्मिरे बिहानीमा घामभई उदाइदिनु
आँखाखोल्दा स्पर्स त्यो पाईरहन पाऊँ

जन्मदिनको शुभकामना !!!

आँखा खोल्दा विहानीमा
घामको किरणले स्वागत गरोस् !
पाइला सार्दा हरेक मोडमा
उमंग उत्साहाले पाउ चुमोस् !!
विश्वास, आँट र साहासहरु
सहयात्री बनुन् सँधैसँधै !
निराशा र कुण्ठाहरु
भागुन् टाढा कतै !!
माया ममता र प्यारहरु
साचिउन् मन भरिभरि !
घृणा, इर्ष्या र रागहरुसँग
जम्काभेट नै नहोस जुनीभरि !!
सुख, खुशी र आकांक्षासँग
सहवास होस हरेक तरङ्गमा !
दुःख, पीडा र वेदनाले
बाटो नछेकुन् उमङ्गमा !!
हरेक धड्कनमा दिर्घायुको
श्वास फेर्नु हरपलमा !
हरेक श्वासमा सु-स्वास्थको
लामो आयु थपियोस गर्छु कामना !!
प्रगतिपथमा पाइलाहरु लम्किउन सँधैसँधै
समृद्धि र उत्तरोत्तर प्रगतिको !
निरन्तर अगाडी बढ्दै जाउन् ती पाइला सँधै
ताज प्रप्तहोस् श्री प्राप्तिको !!
हार्दिक मंगलमय शुभकामना
शुभ तिम्रो शुभ-जन्मदिनमा !
तिम्री प्रिया अर्पण गर्छे तिमीलाई
हार्दिक मायालु मंगलमय शुभकामना !!